Para sa Akong Amiga

Nakahinumdom pa ba ka?

Sa mga panahon nga mag-uban ta

Katong gibyahe ta ang Guadalupe

Kay gilantaw ta ang gipuy-an niya

Katong gilakaw ta ang karsada sa Tisa

Kay nagmauy ko sa akong wa masuklii nga gugma

Katong naghinilakay ta

Sa opisina sa San Jose, nga gi-eskwelahan ta.

Nakalimot na ba diay ka?

Sa dihang nag-away tang duha

Kay gahi akong ulo ug wa ka nakauyon

Wa ko nimo gitagad, nagmagahi lang pud ko

Apan nagkauli ra ta, nakalimot ko giunsa basta mao na to.

Makalimtan mo ba gyud diay?

Ang mga pangandoy natong duha

Katong nangita ta ug trabaho

Ang atong mga plano

Kung puhon kitang duha tagsa-tagsa nga maminyo

Ang atong mga pagmauy

Sa pagbati ning gitawag nilang gugma.

Milabay ang panahon.

Ikaw nahilayo samtang akong nagpabilin

Atong mga kinabuhi atong gitul-id

Atong mga pangandoy atong gikab-ot.

Nalipay ko maminaw kanimo.

Layo ka ug naadtoan, padayona.

Hinunoa nga anaa ra ko diri.

Di mo man tuod madunggan sa kanunay

Apan andam ako nga moalima kanunay.

Bisan unsa ang mahitabo

Hinumdomi nga ania ra ko para kanimo.

Ayaw baya kog kalimti ha? 

A shot with Agnes, akong amiga